Tocante o primeiro punto dáse por aprobada a
acta anterior.
No segundo punto o alcalde da por informada á
corporación das resolucións emitidas dende
o último pleno.
No terceiro punto, ratifícase o acordo da
xunta de goberno local de aprobación de proxecto corrixido “Rehabilitación e
conservación do Centro Cultural da Carballeira”
En canto as actuacións de control, a moción do
grupo mixto non se levou á votación posto que o acordo da mesma xa estaba
resolto dende o ano pasado.
E aquí está a batería de rogos e preguntas do noso grupo:
1- Queremos que conste en acta que seguimos sen ter acceso as actas das xuntas de goberno, a última que recibimos foi o día 6 de maio cando a xunta foi celebrada o 8 de febreiro.
De seguir nesta situación procederemos a dar
parte o órgano correspondente para poñer
fin a esta situación.
2- Tíñamos
solicitado un informe sobre os pagos das
dietas correspondentes pola asistencia ó
consello escolar do concelleiro Roberto no curso 2014-15, e o que se nos
entregou foi unha simple nota informativa.
Estamos fartos desta situación polo que
solicitamos con carácter urxente se realice dito informe con fechas concretas e
coa debida xustificación dos pagos pola tesourería do concello.
De non ser realizado nun tempo prudencial,
poremos o caso en mans da autoridade competente para que se apliquen as medidas
correctoras.
3- Solicitamos información sobre o trámite que seguiron as mocións presentadas por este grupo, a do aumento do servizo de pediatría, así como a presentada sobre a vacina da menixite
4- Por petición dos veciños de San Cibrán solicitamos o arranxo de:
O camiño de Porto e a fonte de Chantada.
5- Por petición dos veciños de Suevos solicitamos:
Que se mellore o mal estado da pista
deportiva, se instale o parque infantil,
se dote dun depósito de auga ó local
social así como dunha estufa de pellets, se repoña o galpón anexo ó
local que derribou o concello, e se arranxe con carácter urxente a pista da
Gandariña á estrada de Faxín- Ermida polo Barreiro.
6- Queremos solicitar a colocación dun cambiador para os bebes nos aseos da casa da cultura.
7- Solicitamos a petición dos veciños da Barcala, a limpeza do camiño que vai dende Cores ata o río (o que pasa por diante da casa de Palmira ), así como a reparación dos pasos para o cruce do río no Lameiro. Tamén solicitamos a reparación da pista da Camposa , xa que se vai reparar o aceso a mesma, e pedimos que se tramite a colocación dun paso para peóns para o aceso a farmacia ou o tanatorio.
8- Solicitamos a reparación da fonte de Emes, o amaño de cemento do solo esta de novo levantado, cousa dun traballo mal feito.
9- A petición dos veciños da Riba solicitamos a colocación de tubos na cuneta na estrada á altura da igrexa co fin de evitar accidentes sobre todo os días de actos litúrxicos pola alta concentración de coches e escaso ancho da estrada.
10- Solicitamos unha limpeza dos espellos situados nas estradas do concello.
11- Solicitamos que os actos infantís se publiciten tanto no colexio como nas distintas parroquias.
12- Queremos saber si o departamento de cultura do Concello ten pensado organizar algún tipo de evento (anexión á rede cultural da Deputación) , como así o está a facer os concellos veciños ca chamada “primavera cultural”.
Bótase en falta actividades culturais
dirixidas non so ós cativos si non para todo os públicos.
13- Solicitamos información acerca das actividades que se están a realizar na casa retoral de Monte.
14- Solicitamos unha vez mais a colocación dunha marquesiña para os veciñ@ de Paredes. E damos unha opción, en San Salvador hai unha que non se usa que de maneira provisional podería dar servizo en Paredes.
15- Temos constancia de novas baixas de alumnos do CPI de A Baña para o curso escolar que ven, creemos que isto fai patente algún tipo de problema que afecta os veciños, debemos intentar que os nenos do concello acudan o colexio da Baña porque a este ritmo entre a escasa natalidade e o correspondente goteo de baixas, o Concello rematará perdendo o grupo escolar. Polo que solicitamos que dende o Concello se tomen as medidas necesarias para paliar dito problema.
16- Queremos saber que uso se lle esta dando a vivenda comunitaria de Monte, quen ten aceso a ela e que hai almacenado no seu interior.
17- Ante o conflito dos traballadores da limpeza do CPI do colexio de A Baña, solicitamos a intervención do concello como mediador co fin de buscar unha solución a situación dos traballadores.
18- Solicitamos se nos explique os pagos de 2959.33€ a Dielectro industrias e de 1391.25€ a Fundición Galipor.
19- Presentamos a queixa dos veciños polos desperfectos ocasionados polas empresas madeireiras en Lañas.
20- Solicitamos o arranxo da pista que da acceso a plantación de arandanos no Barro –Cabanas.
21- Solicitamos o arranxo do camiño de Ferreiros que vai dende o Portiño Lonco ata Borreiros.
22- Solicitamos que igual que se promociona a Trai-Galaica cunha inversión de mais de 3500€, se impulsen outros deportes de maior afición no noso Concello.
23- Suxerimos que no próximo sorteo das mesas electorais se de prioridade a xente que este no paro, o que lle suporía un pequeno ingreso económico.
No hay comentarios:
Publicar un comentario