O portavoz municipal dos Socialistas da Baña, José Antonio Pereira Gil, fará entrega das preto de 300 firmas recollidas persoalmente e porta a porta entre os veciños e veciñas das parroquias afectadas pola seguridade da estrada AC-546. A entrega das firmas terá lugar mañá venres 26 de xaneiro ás 10.30 e estará acompañado polo diputado e portavoz do Grupo Parlamentario dos Socialistas de Galicia, Xoaquín M. Fernández Leiceaga.
Texto íntegro que acompaña ás firmas:
A/A:
XUNTA DE GALICIA CONSELLERÍA DE INFRAESTRUCTURAS E VIVENDA.
OS ABAIXO ASINANTES, TODOS VECIÑOS DO CONCELLO DE A BAÑA, E RESIDENTES NAS PARROQUIAS DE BARCALA , ORDOESTE E CORNEIRA, VÉMONOS AFECTADOS POLA ESTRADA AC-546 (DE TITULARIDADE AUTONÓMICA), XA QUE DIVIDE AO MEDIO AS NOSAS PARROQUIAS. ESTA CIRCUNSTANCIA FAI QUE PARA O NOSO DÍA A DÍA TEÑAMOS QUE CRUZAR ESTE VIARIO, SENDO UN VERDADEIRO PERIGO PARA A VECIÑANZA, AO CARECER A ESTRADA DE PASOS DE PEÓNS DE NINGÚN TIPO.
É A PRINCIPAL ESTRADA DE COMUNICACIÓN ENTRE SANTIAGO E A COSTA DA MORTE, É UTILIZADA POR MÁIS DE UN MILLÓN E MEDIO DE COCHES O ANO. FOI INCLUIDA POLA DXT NO MAPA NACIONAL DE TRAMOS MAIS PERIGOSOS PARA A CIRCULACIÓN, E AO LONGO DOS ÚLTIMOS ANOS PRODUCÍRONSE VARIOS ACCIDENTES GRAVES COA DRAMÁTICA CONSECUENCIA DO FALECEMENTO DE VECIÑOS AO SER ATROPELADOS CANDO TENTABAN CRUZAR DITA ESTRADA.
É POR ISTO QUE SOLICITAMOS A COLOCACIÓN DUN PASO DE PEÓNS REGULADO POR SEMÁFOROS AO PASO POR CADA UNHA DAS TRES PARROQUIAS, CO FIN DE EVITAR A MORTE DE MAIS VECIÑOS.
NOME: DNI: FIRMA:
No hay comentarios:
Publicar un comentario