Comeza o pleno ás 14:00 horas, coa solicitude do sr. Alcalde de intercambiar os puntos da orde do día sendo o primeiro punto, “plan único POS+2019 da Deputación de A Coruña”. O Alcalde informa que do total dos fondos asignados á Baña, 262.841,86 € serán destinados ao finanzamento de gasto corrente, 91.883,58 € iran destinados á Pav.V.P. Duomes de Arriba –Seilán, e 33.298.27€ á Pav. V.P. Trece- A Costa.
En canto ao Préstamo Provincial 2019 facilitado pola Deputación de 180.517,81 €, este, irá destinado á Pav.V. P. en Corneira.
Tamén se propuxeron como plan complementario diversas obras de Pav. V.P. no Rial-Cruceiro, Emes-Seoane, Faxín -Francos, Cabanas e S. Vicenzo- Paredes.
Na quenda do noso portavoz, Jose A. Pereira manifestou : "imos votar a favor da aprobación destas propostas, xa que dos 8 proxectos presentados no pleno, 4 (Pav. V.P. en Duomes, Emes, Faxín e Paredes) foron solicitadas polo noso grupo no pleno do 3 de outubro para incluír nas inversións do Plan Único, POS+ 2019. E a Pav. V.P. Trece – A Costa, xa era unha vella reivindicación do noso grupo. Pero temos que advertir unha vez mais da falta de previsión que teñen sr. Alcalde. Fai escasos catro anos investíronse mais de 240.000€ na pavimentación e humanización da estrada de Corneira. E agora na mesma actuación, máis de 180.000€. Isto deixa ver que non fan as cousas ben, que non traballan con visión de futuro, e que como os cartos non saen do seu peto, dálle igual onde facer as obras”.
O punto é aprobado cos votos a favor do PSOE e do PP, absténdose CxG.
No segundo punto da orde do día, “adhesión á asociación de entidades locais pola lingua galega”. Infórmase que a adhesión suporá unha achega por parte do concello de A Baña de 1000 € anuais, e que se asignará persoal municipal como representante do Concello na asemblea da asociación. O punto é aprobado por unanimidade.
No punto terceiro, “solicitudes de bonificación do IBE”, dáse o visto bo á declaración de interese social –económico para o Concello, das actividades que desempeñan ás explotacións gandeiras solicitantes, requisito indispensable para optar á bonificación de ata o 95% do IBE das instalacións, que se levará a cabo grazas á moción presentada polo noso grupo, que recollía estas e outras bonificacións.
O punto é aprobado por unanimidade da corporación.
No hay comentarios:
Publicar un comentario