JOSÉ ANTONIO PEREIRA GIL ENCABEZARÁ A CANDIDATURA SOCIALISTA NO CONCELLO DA BAÑA NAS VINDEIRAS ELECCIÓNS MUNICIPAIS DO 28 DE MAIO DE 2023.
A decisión foi adoptada por unanimidade polas afiliadas e afiliados que acudiron á asemblea extraordinara celebrada o 5 de novembro na Casa da Cultura da Baña. Na asemblea participaron un 85% da militancia con dereito a voz e voto así como moitos compañeiros e simpatizantes que amosaron novamente o seu apoio a Pereira Gil. O actual Secretario Xeral da Agrupación e Voceiro Muncipal do Grupo Socialista no Concello da Baña, Pereira Gil, agredeceu novamente a confianza depositada no seu proxecto e asegurou que seguirá traballando pola veciñanza e para a veciñanza para recuperar novamente a alcaldía que lle foi arrebatada a través dunha vergoñenta moción de censura no 2021. 
"Seguimos traballando como o primeiro día, traballando igual desde unha alcaldía que desde a oposición. O noso equipo non lle vai fallar a ninguén. A nosa palabra vale moito". "Recuperaremos á Alcaldía da Baña para demostrar que as cousas se poden facer doutra maneira, desa maneira á que algúns parece non interesarlle moito". "Necesitamos unha maioría sólida para continuar co proxecto que iniciamos no 2019 e que tanta ilusión xerou entre os nosos veciños e veciñas".
No hay comentarios:
Publicar un comentario