Comeza o pleno as 14
horas, co primeiro punto do orden do dia, onde o Alcalde da por informada á
corporación municipal, dos decretos emitidos dende o anterior pleno.
No segundo punto,
aprobación do proxecto de subministración e colocación de colectores RSU e
vidro, o noso portavoz Jose A. Pereira, recordou ó Sr. Alcalde que no pleno do
17 de agosto de 2015, e no do 29 de novembro de 2017, este grupo solicitou a
colocación de iglús para o vidro en puntos como Liñares, Señor, Emes, etc, e
solicita teñan prioridade estes puntos á hora de colocar os novos depósitos. O punto é aprobado cos votos a favor do PP e
do grupo Socialista.
O terceiro punto do
orden do día, aprobación proxecto Humanización Adro de Marcelle, tras as
explicación do Sr. Alcalde xustificado o gasto do proxecto de 76.848 €, o portavoz do grupo socialista
da Baña comenta:
“Unha vez mais o Concello vai investir cartos
dos todos os veciños nunhas instalacións que non son propiedade do Concello da
Baña.
Repítese a situación
de fai uns meses, cando se destinaron, do mesmo xeito, cartos para o adro da
igrexa de Fiopáns, e xa advertimos, que había cousas mais necesarias no
Concello, como o subministro de auga nas 15 parroquias, xa que carecen de traída
pública ou o saneamentos, do que lle recordamos que carecemos en 13 das 15
parroquias, e nas outras 2 non está completo. Seguimos sen unha residencia para
maiores, ou un centro de día municipal verdadeiras necesidades no noso
Concello, mentres vostede inviste 235.000€ en restaurar bens que non son de
titularidade municipal.
Non compartimos esta
xestión e por tanto, o noso grupo vai absterse na aprobación desta obra.”
O punto é aprobado
cos votos a favor do PP e as abstencións do grupo mixto e do PSdeG.
O cuarto punto,
aprobación do proxecto P.V.P. entre Vilar da Torre e Paramos, o noso portavoz,
na súa quenda de palabra, xustifica a abstención xa que “entendemos que é unha obra que
unha vez rematada será de interese para
os veciños, pero non apoiamos que se pretende aprobar un proxecto de máis de medio
millón de euros, sen contar cos veciños (asociacións de veciños de Laña e
Cabanas) e cos concelleiros da oposición a hora de facer o proxecto.
Nin sequera o
Concello conta co financiamento para realizar a obra, polo que isto sona mais
ben a anuncio electoralista que a outra cousa”
O proxecto é aprobado
cos votos a favor do PP e as abstencións do grupo mixto e do PSdeG.
O punto quinto,
expedientes modificacións de créditos, onde se acorda a modificación dos
créditos 1/2018 (Convenio coa Deputación para a humanización do Adro de Santa
Cristina de Marcelle A Baña) e 2/2018 (convenio coa Xunta De Galicia para
a mellora da eficiencia enerxética nos alumeados públicos da Ermida e Ser). Créditos
extraordinarios, financiado con remanente para gastos xerais. O punto foi
aprobado cos votos favorables de toda a incorporación.
O punto sexto, o
Alcalde informou do trámite aberto do expediente para elixir Xuíz de Paz. Tamén
comentou os datos das medicións de gas radon que se realizaron en distintas
instalación municipais, cuns resultados dentro da normalidade, agás nun
despacho do concello onde se vai repetir a proba. Do mesmo xeito, confirmou os
resultados dos distintos organismos consultados para o cambio de actividade da
casa reitoral de Monte, resultados que confirman a posibilidade do cambio de
actividade sen prexuízo para o Concello, pasando de vivenda socio-comunitaria a
un fogar de atención a nenos con trastornos intelectuais, xestionado pola
asociación Anxiños.
No
apartado de control (mocións), o noso voceiro defendeu a presentada o día 23 do
presente mes, na que solicitamos se tomaran os seguintes acordos plenarios.
1- Que dende a concellería de Servizos Sociais, en conxunto coa
de Educación, se faga unha campaña de sinalización con pictogramas, nos
distintos edificios públicos(Concello, locais sociais, centro cívico,
biblioteca, colexios, centro médico, polideportivas etc)
2- Que dende o Concello se lle faciliten
pictogramas identificando a actividade que desenvolven os locais comerciais do
Concello, para que sexan colocados nas portas dos mesmos.
3- Que na revista anual se faga mención a
dita campaña co fin de que toda a veciñanza participe activamente nesta iniciativa .
A moción foi aprobada pola
totalidade da corporación.
En
canto a moción proposta polo grupo mixto, o noso portavoz presentoulle unha emenda para
recoller na mesma o rexeitamento o proxecto da empresa Toysal que pretende abrir
unha planta de reciclaxe de lodos, puríns, esterco e restos de animais non aptos
para consumo, nos terreos da antiga canteira de
Casalonga no Concello de Teo, que afectará os 40.000 veciños, os peregrinos
ó paso pola última etapa no Camiño Portugués, e nun futuro a medio prazo
podería afectar dende Santiago ata a ría de Arousa, dado que a produción da
planta influirá nos acuíferos que desembocan na mesma.
O
partido popular a súa vez, presentou tamén unha emenda á mesma moción polo que
se decidiu refundir todo na mesma moción.
En
canto ós rogos e preguntas, despois da aclararlle ó Sr. Alcalde que esperamos
máis feitos e menos letanía, propuxemos as seguintes cuestións: CONSULTAR AQUÍ
No hay comentarios:
Publicar un comentario