Comeza o pleno ás 14:00 horas, coa ausencia anunciada da concelleira Sandra López Fernández (PP).
O primeiro punto, aprobación das actas das sesións anteriores, e tras unhas modificacións que o noso portavoz José A. Pereira solicita nas actas número 6 e número 5, así como unha corrección que solicita o grupo mixto, as actas son aprobadas e serán rectificadas para a súa posterior modificación.
No segundo punto do orde do día, o Alcalde da conta dos decretos emitidos dende o último pleno.
No punto terceiro, información Proxecto Saneamento de Troitosende (A Baña) e Piñeiro-Tapia (Ames). O Alcalde informa do estudio do proxecto de saneamento conxunto de Troitosende (A Baña) e Piñeiro-Tapia (Ames) . O noso portavoz pregunta si xa se conta co financiamento necesario para o proxecto, “un bo proxecto, pero cun custe de mais de 2 millóns de euros. Sr Alcalde este anuncio é similar o que fixo xa coa estrada de Lañas. Proxectos electoralistas que non teñen nin fecha nin financiamento”.
En canto a parte de control, na moción do grupo mixto sobre a pegada de carteis , o noso voceiro na súa intervención manifestou :
“Afirmar por parte de vostede na páxina do seu partido, que son o único partido que retira os carteis electorais, teño que dicir que vostede minte. O que si pode dicir, é que é o único que se fai unha foto para xustificarse. Despois de campaña nos tamén fixemos un traballo de retirada de carteis, aínda que temos que admitir que seguro, quedou algún que por despiste ou esquecemento, non foi retirado. Cousa que non nos pasa a nós solos,e para mostra un botón, (mostra dúas fotos) estas dúas fotos de carteleira da súa agrupación. Unha en Fiopáns e outra nunha marquesiña na Ermida. Fotos que nos remitiron veciños a nosa web o día 2 do mes pasado.
En canto á moción, o primeiro punto sobre a colocación de taboleiros de anuncio, temos que dicir que o levamos reivindicado dende o pleno do mes de novembro do 2016, repetindo a solicitude o ano pasado no pleno de marzo, e no de xaneiro de este ano. Como tamén solicitamos o arranxo dos poucos que hai polas parroquias, que en moitos casos están en pésimas condicións.
Sobre o segundo punto, descoñecemos si xa hai unha ordenanza, ou norma superior que regule a pegada de carteis, pero o que si sabemos é que o de sancións exemplares, como vostede propón, ir o peto dos veciños, cando estes non teñen un sitio alternativo para colocar os avisos. non é a forma de corrixir o problema.
Respecto o terceiro punto , parécenos viable e necesario para desta forma radicar esta mala costume . E no tocante o cuarto punto, pola nosa parte non hai inconveniente.”
A moción foi aprobada por unanimidade.
A segunda moción a tratar, foi a presentada polo partido Socialista. MOCIÓN PARA INSTAR AO CONCELLO A FACER UNHA REBAIXA NA TAXA DO LIXO, COMO COMPENSACIÓN ÁS DEFICIENCIAS NO SERVIZO. Despois de un tenso debate onde o noso portavoz defendeu a idea de compensar os veciños cunha rebaixa no próximo recibo do lixo,( dada a falta de servizo nos últimos meses de recollida dos colectores amarelos), a moción foi apoiada polo grupo mixto pero rexeitada pola maioría do PP, facendo uso do voto de calidade o Sr Alcalde, grazas o cal, a moción foi desestimada.
Na terceira moción, esta presentada por CXG , para instar a Xunta De Galicia a adoptar medidas urxentes respecto á poboación crecente do xabaril, o noso portavoz non dubidou en dicir:
“En canto a moción temos que dicir que estamos de acordo en moitos dos parágrafos da exposición, así como nos puntos 1, 2, e 5. E non é casualidade que estamos de acordo, xa que tanto os puntos 1,2,5 como a maior parte da exposición son plaxios dunha moción que vostede señor Alcalde, como deputado provincial, seguro que recorda. Presentada polo grupo Socialista no pleno da deputación do 28 de setembro deste ano.
Parécenos escandaloso que se pretenda presentar unha moción copiada de outro grupo político, e asumila como propia. Supoño que isto pasa cando non hai ideas propias e o único que se pretende é xustificar un traballo que non é real.
En canto os puntos 3 e 4, que xa dubido que sexan da súa invención, recoméndolle señor concelleiro, que se documente cando presente as mocións, xa que con data do 18 de abril deste ano, a Consellería de Medio Ambiente publicou un procedemento para a autorización de medidas de control por danos ocasionados polo xabaril, que regula a colaboración entre os cazadores e os produtores agrarios, tanto na forma de comunicar os danos, como no protocolo de actuación para evitar os mesmos.
Neste caso non imos apoiar esta moción , e non polo contido, do que o noso partido e partícipe, si non pola falta de respecto mostrada polo concelleiro de CXG ao plaxiar esta moción.”
A moción foi desestimada cos votos en contra do PP e a abstención do noso grupo.
A última moción, na que se solicitaban medidas de apoio para as persoas afectadas pola enfermidade Celíaca, foi aprobada pola maioría da corporación. Neste caso o noso portavoz explicou que xa no pleno do día 2 de febreiro do 2017, o partido Socialista solicitara que nos actos infantís, cando se distribuían alimentos, se teña en conta o aumento de nenas/os celíacos e con diferentes alerxias, e se conte cunha alternativa para este colectivo.
En canto a rogos e preguntas estas son as formuladas polo noso grupo. Consultar na seguinte ligazón PREGUNTAS PRESENTADAS NO PLENO ORDINARIO DO DÍA 28 DE NOVEMBRO DE 2018
No hay comentarios:
Publicar un comentario